20 ఏళ్ల తర్వాత కప్పుగొట్టిన ఫ్రాన్స్..!

20 ఏళ్ల తర్వాత కప్పుగొట్టిన ఫ్రాన్స్..!

రష్యాలో జరుగుతున్న ఫిఫా ప్రపంచ కప్ ఫుట్‌బాల్ టోర్నమెంట్ 2018ని ఫ్రాన్స్ కైవసం చేసుకుంది. ఫైనల్ మ్యాచ్‌లో 4-2 గోల్స్ తేడాతో క్రొయేషియాపై విజయం సాధించింది.

ఫుట్‌బాల్ ప్రపంచకప్‌ను గెల్చుకోవటం ఫ్రాన్స్‌కు ఇది రెండోసారి. 20 ఏళ్ల కిందట సొంతగడ్డపై 1998లో జరిగిన ఫిఫా ప్రపంచకప్‌ను ఫ్రాన్స్ గెలిచింది.

ఆధునిక ఫుట్‌బాల్ చరిత్రలో అద్భుతమైన ప్రపంచకప్‌ ఫైనల్స్‌లో ఒకటిగా భావిస్తున్న ఈ మ్యాచ్‌లో ఫ్రాన్స్, క్రొయేషియాలు హోరాహోరీగా తలపడ్డాయి. 1966 తర్వాత అత్యధిక గోల్స్ తేడా ఉన్న ఫైనల్ ఇదే.

After 20 Years France got the Second Football World Cup

మ్యాచ్ మొదలైన 19 నిమిషాల సమయంలో ఫ్రాన్స్‌కు తొలిగోల్ లభించింది. ఫ్రాన్స్ ఆటగాడు ఆంటోనీ గ్రిజ్‌మన్ కొట్టిన బంతి గోల్‌పోస్ట్‌లోకి వెళ్లకుండా క్రొయేషియా ఆటగాడు మారియో మన్‌డ్జుకిక్ తల అడ్డుపెట్టాడు. కానీ, ఆ బంతి గోల్‌పోస్ట్‌లోకి దూసుకెళ్లింది.

After 20 Years France got the Second Football World Cup

దీంతో ఫుట్‌బాల్ ప్రపంచకప్ ఫైనల్ మ్యాచ్‌లో సెల్ఫ్ గోల్ చేసిన తొలి ఆటగాడిగా మారియో మండ్జుకిక్ వార్తల్లోకి ఎక్కాడు.

ఆ తర్వాత మరో 10 నిమిషాలకు క్రొయేషియా ఆటగాడు ఇవాన్ పెర్సిసిక్ కోల్ కొట్టి స్కోరును సమం చేశాడు. 16 గజాల దూరం నుంచి బంతిని గోల్‌పోస్ట్‌లోకి పంపిన ఇవాన్‌కు ఈ టోర్నమెంట్‌లో ఇది మూడో గోల్.